Наяда малая

Наяда малая
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Жабнікавыя Род:  Наяда Від:  Наяда малая
Міжнародная навуковая назва
Najas minor All., 1773
Сінонімы
Caulinia minor (All.) Coss. et Germ., 1845
Сістэматыка на Віківідах Выявы на Вікісховішчы ITIS   39002 NCBI   62343 EOL   1088965 GRIN   t:416233 IPNI   603043-1 TPL   kew-308306

Наяда малая, Каўлі́нія малая (Najas minor, Caulinia minor) — кветкавая падводная расліна роду Наяда (Najas) сямейства Жабнікавыя (Hydrocharitaceae).

Батанічнае апісанне

Паглыбленая ў ваду аднагадовая двухдомная расліна з тонкім разгалінаваным, вельмі ломкім сцяблом даўжынёй 4—25 см. Лісце лінейнае, супраціўнае або ў кальчаках, сэрцападобна выгнутае, па краях з 6—10 даволі буйнымі, пры аснове расшыранымі зубцамі. Кветкі адзіночныя, непрыкметныя, у пазухах лісця, раздзельнаполыя. Плод падоўжны, касцянкападобны. Паверхня насення ячэістая.

Арэал і экалогія

Еўразія, Афрыка. На тэрыторыі Беларусі трапляецца ў невялікай колькасці на абмежаваных плошчах. Месцы росту: эўтрофныя азёры і рэкі з чыстай сярэднемінералізаванай вадой, на глыбіні 20-60 см. Расце групамі, часам утварае чыстыя зараснікі.

Апыленне адбываецца пад вадой. Цвіце ў ліпені-жніўні, пладаносіць у жніўні-верасні. Размнажэнне насеннае.

Значэнне і выкарыстанне

Кармавая і дэкаратыўная расліна.

Літаратура

Гэты від занесены ў Чырвоную кнігу Беларусі і ахоўваецца законам. II катэгорыя (EN)

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мн.: Беларуская Энцыклапедыя, 1993. - ISBN 5-85700-095-5.

Спасылкі

• Каулиния малая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)